پەیامی سەرۆکی بەرەی تورکمانی دەربارەی رووداوەکانی ئاڵتونکۆپری

ڕۆژی هەینی، ٢٤ـی تشرینی دووەم ٢٠٢٥، بەرەی تورکمانی رایگەیاند، محەمەد سەمعان ئاغا، سەرۆکی بەرەی تورکمانی عێراقی، پەیوەندی چڕوپڕ لەگەڵ سەرکردەکانی پارتی دیموکراتی کوردستان و سەرکردە ئەمنییەکان لە پارێزگای کەرکووک ئەنجام دا، بە ئامانجی کۆنتڕۆڵکردنی گرژییەکان و کۆتاییهێنان بە ناکۆکییەکانی قەزای ئاڵتونکۆپری.

بەرەی تورکمانی وتیشی، سەرۆکی بەرەی تورکمانی لە پەیوەندییەکانیدا جەختی لە گرنگی ئارامی و خۆگرتن لە هەموو لایەنەکان کردەوە، هەروەها پێویستی بە یەکەمایەتی دانانی عەقڵ و دیالۆگ بۆ پاراستنی ئاسایش و سەقامگیری شارەکە. جەختیشی لەوە کردەوە کە کەرکوک و ئاڵتون کوپری دەبێ وەک سیمبولی پێکەوەژیان و برایەتی لە نێوان هەموو پێکهاتەکاندا بمێننەوە.

ئاماژە بەوەشدرا، هەروەها (سەرۆکی بەرەی تورکمانی) داوای لە سەرجەم هاووڵاتیان کرد نەخشێنرێنە ناو دەنگۆ و پەرەسەندنی میدیاییەوە، جەختیشی کردەوە کە بەرەی تورکمانی عێراق بە هەماهەنگی لەگەڵ دەسەڵاتدارانی فەرمی لە نزیکەوە چاودێری دۆخەکە دەکات بۆ دڵنیابوون لە گەڕانەوەی ئارامی و سەقامگیری.

بەپێی زانیارییەکانی تەبا، شەوی ڕابردوو لە ناحیەی ئاڵتونکۆپری گرژی لە نێوان تورکمان و کورد دروست بووە، بەڵام دۆخەکە هێور بووەوە و سوپا بڵاوەی پێکردن و ڕێگری لە تەشەنەکردنی کرا، هاوکات حزب و لایەنەکانی پەیوەندیدار لەسەر هێڵ بوون بۆ ئەوەی چارەسەری کێشەیە بکەن و نەبێتە شەڕی نەتەوەیی.