ئایدن مەعروف: هیوادارین ساڵی تازە دەستپێكی قۆناغێكی نوێ بێت بۆ یەک رێزی و تەبایی
ئایدن مەعروف ڕایگەیاند، بەبۆنەی هاتنەوەی سەری ساڵی نوێی زایینی ۲٠۲٦ گەرمترین پیرۆزبایی لە خەڵکی هەرێمی کوردستان-عێراق و عێراق بەتایبەت ھەموو پێکهاتە نەتەوەیی و ئایینییەکان دەکەینەوە.
نووسینی ژووری هەواڵ
بڵاوکرایەوە: 1 خولەک خوێندنەوە
ئایدن مەعروف، وەزیری ھەرێم بۆ کاروباری پێکھاتەکان بە بۆنەی ساڵی تازەوە پەیامێکی بڵاوکردەوە و ڕایگەیاند، بەبۆنەی هاتنەوەی سەری ساڵی نوێی زایینی ۲٠۲٦ گەرمترین پیرۆزبایی لە خەڵکی هەرێمی کوردستان-عێراق و عێراق بەتایبەت ھەموو پێکهاتە نەتەوەیی و ئایینییەکان دەکەینەوە.
ئەوەشی خستەڕوو، هیوادارین ساڵی تازە دەستپێكی قۆناغێكی نوێ بێت بۆ یەک رێزی و تەبایی زیاتر، لەم بۆنەیەدا جەخت لە فەرهەنگی برایەتی و پێکەوەژیان دەکەینەوە.
ئاماژەی بەوەشکرد، ئومێدی ئەوە دەخوازین ساڵی تازە ساڵی خۆشی و بەختەوەری بێت بۆ ھەمووان.