بەرەی تورکمانی یەکگرتووی عێراقی بە لیستی ژمارە ٢١٧ بەشداری لە هەڵبژاردن دەکات
ژمارەی لایەنە بەشداربووەکان لە هەڵبژاردنی داهاتووی پەرلەمانی عێراق بە تیروپشکێک دیاری کرا کە لەلایەن کۆمیسیۆنی باڵای سەربەخۆی هەڵبژاردنەکانی عێراقەوە ئەنجامدرا.
نووسینی ژووری هەواڵ
بڵاوکرایەوە: 1 خولەک خوێندنەوە
لەو چوارچێوەیەشدا لیستی بەرەی تورکمانی یەکگرتووی عێراقی، بە ژمارە ٢١٧ ڕکابەری هەڵبژاردنەکان دەکات.
لیستی یەکگرتووی بەرەی تورکمانی عێراقی بەم ژمارەیە لەسەر کاغەزی دەنگدان دەردەکەوێت و پێشبڕکێ لەگەڵ لایەنەکانی تر دەکات بۆ بەدەست هێنانی دەنگی پێویست.
کۆمسیۆنی هەڵبژاردنەکان ڕایگەیاند، ٨٥٤ کەس خۆیان بەربژێر کردووە و ٧٦ کەس بەربژێری تاک و سەربەخۆن.
بڕیارە ڕۆژی ١١ـی تشرینی دووەمی ٢٠٢٥ هەڵبژاردن لە سەرتاسەری عێراق بەڕێوەبچێت.
نزیکەی ٢٩ ملیۆن دەنگدەر لە عێراقدا هەیە کە ژمارەی دانیشتووانی ٤٦ ملیۆن کەسە.