سەرۆکی بەرەی تورکمانی لەگەڵ سەرۆکی هاوپەیمانی نەسر کۆبووەوە
ئەمڕۆ یەکشەممە، ٢٣ـی تشرینی دووەمی ٢٠٢٥، محەمەد سامان ئاغا، سەرۆکی بەرەی تورکمانی عێراقی سەردانی حەیدەر عەبادی سەرۆکوەزیرانی پێشووتری عێراق و سەرۆکی هاوپەیمانیی نەسر کرد لە بەغدادی پایتەخت.
نووسینی ژووری هەواڵ
بڵاوکرایەوە: 1 خولەک خوێندنەوە
لە میانی دیدارەکەدا باس لە ئەنجامی هەڵبژاردن و پێکهێنانی حکوومەتی داهاتوو کرا، هەروەها باس لە میکانیزمەکانی بەرزکردنەوەی نوێنەرایەتی پێکهاتەی تورکمان لە دامودەزگاکانی دەوڵەتدا کرا.
هەروەها ئاغا قەڵغانێکی هێمای یەکڕیزی تورکمانی پێشکەش بە حەیدەر عەبادی کرد، وەک پێزانینی هەوڵەکانی لە ئازادکردنی کەرکووک و پاراستنی یەکڕیزی عێراق و کەرکووک، لە کاتێکدا کە پێویستی بە هەوڵی یەکگرتووی هەموو هێزە نیشتمانییەکان هەیە.