سەرۆکی بەرەی تورکمانی سەرکۆنەی هێرشەکەی کۆڕمۆر دەکات

ئەمڕۆ پێنجشەممە، ٢٧ی تشرینی دووەم ی ٢٠٢٥، محەمەد سەمعان ئاغا، سەرۆکی بەرەی تورکمانی عێراقی ڕایگەیاند، بەئامانجکردنی ئاسانکارییە گرنگەکان کە ڕاستەوخۆ پەیوەندییان بە پێشکەشکردنی خزمەتگوزارییەوە هەیە بۆ هاوڵاتیان، بەبێ گوێدانە ئەوەی کێ لەپشتەوەیە، کردەوەیەکی مەترسیدارە کە هەوڵەکانی دەوڵەت بۆ بەهێزکردنی سەقامگیری تێکدەدات و وزە و بەرژەوەندییە ئابوورییەکانی هاووڵاتیان دەخاتە مەترسییەوە، هەروەها پێویستی بە هەڵوێستێکی نیشتمانیی تۆکمە هەیە بۆ ئاشکراکردنی بارودۆخەکە و دەستنیشانکردنی تاوانباران و لێپرسینەوەیان بەپێی یاسا.

ئاماژەی بەوەشکرد، بەرەی تورکمانی یەکگرتووی عێراق پشتیوانی تەواوی خۆی بۆ ڕێوشوێنەکانی حکومەت دووپات دەکاتەوە کە ئامانجیان پاراستنی کێڵگە نەوتییەکان و شوێنە ستراتیژییەکانە، هەروەها جەخت لەسەر بەهێزکردنی سیستمی ئەمنی خۆپارێزی و هەماهەنگی هەوڵە هاوبەشەکان دەکاتەوە بۆ دڵنیابوون لەوەی ئەو جۆرە ڕووداوانە دووبارە نەبنەوە.

ئەوەشی خستەڕوو، هەروەها لیستەکەمان داوای شەفافیەت دەکات لە ڕاگەیاندنی ئەنجامی لێکۆڵینەوەکان و ڕێگەدان بە خەڵک بۆ دەستڕاگەیشتن بە ڕاستییەکانی پەیوەست بەم هێرشە، بەمەش متمانە بەرز دەبێتەوە و سەقامگیری نیشتمانی بەهێزتر دەبێت. لیستی بەرەی تورکمانی عێراقی یەکگرتوو.